काठमाडाैं । सोमबार राति साउदी अरबमा भएको सडक दुर्घटनामा ४२ जना भारतीयको मृत्यु भएको छ।

मक्काबाट मदिना जाँदै गरेको बस डिजेल ट्याङ्करसँग ठोक्किएर आगो लागेको छ। मृत्यु हुनेमा २० महिला र ११ बालबालिका रहेका छन्। रिपोर्टका अनुसार दुर्घटनामा बस चालक मात्र बाँचेका छन्।

मृत्यु हुने अधिकांश हैदराबादका रहेको अनुमान गरिएको छ। दुर्घटना बिहान १:३० बजे मदिनाबाट लगभग १६० किलोमिटर टाढा मुहरास नजिकै भएको थियो। धेरै यात्रुहरू सुतिरहेका कारण पनि ठूलाे मानवीय क्षति भएकाे बताइएकाे छ ।

तेलंगाना सरकारले रियादस्थित भारतीय दूतावाससँग सम्पर्कमा रहेको बताएको छ। राज्य सरकारद्वारा जारी विज्ञप्तिमा भनिएको छ कि मुख्यमन्त्री रेवन्त रेड्डीले दिल्लीका अधिकारीहरूलाई पीडितहरूको पहिचान र अन्य औपचारिकताहरूमा सहयोग गर्न दूतावाससँग नजिकबाट समन्वय गर्न निर्देशन दिएका छन्।