काठमाडौं। नेपाली कांग्रेसका महामन्त्री गगन थापाले आफूहरू अब नझुक्ने बताएका छन् ।

मंगलबार सामाजिक सञ्जालमार्फत भिडियो सन्देश सार्वजनिक गर्दै उनले आफूहरूले पार्टी सुधारको अभियान थालेको भन्दै अब नझुक्ने बताएका हुन् ।

“कांग्रेसभित्र अहिले बहस अधिवेशनको मिति होइन, पार्टी सुधारको दिशाबारे हो । नागरिकले दिएको सन्देश स्पष्ट छ– पुरानै शैलीले अब काम चल्दैन । सुधार गरेर मात्र विश्वास फर्किन्छ,” उनले भनेका छन्, “पार्टीका सबै साथीहरूलाई धैर्य राख्न अनुरोध छ, हामी निर्वाचनमा जानेछौँ, तर नयाँ ऊर्जा र सुधारिएको कांग्रेसका साथ ।”

गगनले पार्टी सुधारको अभियान सत्यका पक्षमा रहेको भन्दै यसबाट कांग्रेस नफुट्ने बरु बलियो हुने जिकिर गरेका छन् । “हामी न झुक्छौँ न झुकिन्छौँ,” उनले भनेका छन् ।