काठमाडाैं । नेकपा (एमाले) का अध्यक्ष केपी शर्मा ओलीले एमाले अजम्बरी रहेको बताएका छन् ।

शनिबार पार्टीको ११औँ महाधिवेशन उद्घाटनमा सम्बोधन गर्दै ओलीले एमाले सकियो भन्नेहरूलाई महाधिवेशनका लागि जम्मा भएको जनसागरले जवाफ दिएको बताए ।

उनले भने, ‘पुराना पार्टीहरू सकिए, पुराना नेताहरूको दिन गए र एमालेको सान्दर्भिकता सकियो भन्ने भाष्य खडा गर्न खोजिएको छ, प्रत्येक प्रहारलाई चिर्दै यो जनसागर उर्लिएको छ, म ढुक्कले भन्न सक्छु, लोकतन्त्र अजय छ, एमाले अजम्बरी छ। ‘

उनले सल्लाघारीमा उपस्थित भएकाहरूलाई मात्रै एमाले नठान्न पनि चुनौती दिए। ‘यहाँ उपस्थित भएका महासागरको थोपा मात्रै हो। यो उपस्थिति गर्वको विषय हो,’ओलीले भने।