काठमाडाैं । जेनजी प्रतिनिधि मिराज ढुंगाना नेतृत्वको समूहले वर्तमान सरकारको विकल्प खोज्नुपर्ने बताउँदै सर्वपक्षीय सरकार गठनको मागसहित आन्दोलनको घोषणा गरेको छ।

डिल्लीबजारमा आइतबार आयोजित पत्रकार सम्मेलनमा बोल्दै अभियन्ता ढुंगानाले वर्तमान सरकारको औचित्य र वैधानिकता समाप्त भइसकेको आरोप लगाृए । आफ्ना एजेण्डासहित भोलिदेखि सडक आन्दोलन सुरु गर्ने उनले जानकारी दिए ।

प्रधानमन्त्रीले केवल पद ओगट्ने काम मात्र गरेको र उनीबाट निर्वाचन निष्पक्ष हुने विश्वास नभएको भन्दै ढुंगानाले देशलाई अन्योलमा राख्नुभन्दा सर्वपक्षीय सरकार गठन गरेर निकास दिनुपर्नेमा जोड दिए।

उनले सरकार औचित्यहीन भएको दाबी गर्दै देशलाई समृद्ध र सुशासित बनाउन तत्काल विकल्प खोजिनुपर्ने बताए।