काठमाडौं । नेपालमा जिली ईएक्स फाइभ म्याक्स र प्रो. विद्युतीय गाडीको आधिकारिक आयातकर्ता एलआरआर मोटर्सले नयाँ योजना सार्वजनिक गरेको छ ।

अंग्रेजी नयाँ वर्ष २०२६ को अवसरमा ‘ईएक्स फाइभसेलेन्जा बोनान्जा’ नामक बिक्री योजना सार्वजनिक गरेको हो ।

जिली ईएक्स फाइभ सिरिजमा लागु हुने यो सीमित अवधिको पर्व तथा नयाँ अंग्रेजी वर्ष सेल्स अफरले नेपाली ग्राहकका लागि प्रिमियम विद्युतीय मोबिलिटीलाई अझ आकर्षक र पहुँचयोग्य बनाउने उद्देश्य राखेको कम्पनीले जनाएको छ ।

यस विशेष योजनाअन्तर्गत डिसेम्बर २५, २०२५ देखि जनवरी ७, २०२६ को अवधिमा जिली ईएक्स फाइभ म्याक्स र प्रो बुकिङ गर्ने ग्राहकले विशेष लाभहरू प्राप्त गर्न सक्नेछन् ।

योजनाअनुसार, जिली ईएक्स फाइभ बुक गर्ने ग्राहकले दुई लाखसम्मको प्रत्यक्ष नगद छुटका साथै रुपाकोट रिसोर्टमा दुई जनाका लागि २ दिन /एक रातको निःशुल्क बसोबास प्याकेज प्राप्त गर्ने कम्पनीले जनाएको छ ।

यी अफरहरूका अतिरिक्त, कम्पनीले योजना अवधिको क्रममा निःशुल्क एक्सेसरी र चार्जर, एक वर्षको रोड ट्याक्स तथा एक वर्षको कम्प्रिहेन्सिभ इन्स्योरेन्स समावेश गरिएको छ ।