शनिबार, पुष १२, २०८२

प्रधानमन्त्री कार्कीसँग पूर्वप्रधानमन्त्रीहरु देउवा, ओली र प्रचण्डकाे बैठक जारी

मेरोन्यूज २०८२ पुष १२ गते १६:३६

प्रधानमन्त्री सुशीला कार्की र  प्रमुख ३ दलका शीर्ष नेताबीचको वार्ता बालुवाटारमा जारी छ। 

फागनु २१ गते घोषणा भएको चुनावको वातावरण बनाउन प्रधानमन्त्री कार्की र प्रमुख ३ दल नेपाली कांग्रेसका सभापति शेरबहदुर देउवा, नेकपा एमाले अध्यक्ष केपी शर्मा ओली र नेपाली कम्युनिस्ट पार्टीका संयोजक पुष्पकमल दहाल ‘प्रचण्ड’ छलफलमा जुटेका हुन्। 

यसअघि मंगलबार राष्ट्रपति रामचन्द्र पौडेलको अगुवाइमा प्रधानमन्त्रीसहित तीन दलका शीर्ष नेताको भेटवार्ता शीतल निवासमा भएको थियो ।

त्यसैको निरन्तरतास्वरुप प्रधानमन्त्री कार्कीले आज तीन दलका शीर्ष नेतासँग छलफल गर्न लागेकी हुन् ।

बालुवाटार वार्ताका लागि सरकारका प्रवक्ता एवं सूचना, सञ्चार तथा प्रविधिमन्त्री जगदीश खरेलले हिँजाे ३ वटै नेताको निवासमा गएर निमन्त्रणा दिएका थिए।

नेपाली कांग्रेस, नेकपा एमाले लगायतले चुनावको वातावरण तयार नभएको भन्दै आइरहेका बेला प्रधानमन्त्री कार्कीले आफै अग्रसर भएर देउवा, ओली र प्रचण्डसँग संवाद थालेकी हुन्।

प्रतिक्रिया