युरोपेली सङ्घका २७ सदस्य राष्ट्रहरूले औपचारिक रूपमा युरोपेली सङ्घमा पाइपलाइन ग्यास र तरल प्राकृतिक ग्यास (एलएनजी) दुवैको रूसी आयातलाई चरणबद्ध रूपमा हटाउने कानून स्वीकृत गरेका छन् ।

ईयू परिषद्ले विज्ञप्ति जारी गर्दै नयाँ नियमहरूमा ऊर्जा आपूर्तिको प्रभावकारी अनुगमन र विविधीकरणका उपायहरू पनि समावेश गरिएको उल्लेख गरेको छ ।

नयाँ कानून अनुसार युरोपेली युनियनमा रूसी पाइपलाइन ग्यास र एलएनजी आयात गर्न प्रतिबन्ध लगाइनेछ ।

“नयाँ कानून लागु भएको छ हप्ता पछि यो प्रतिबन्ध लागु हुन हुने छ भने बिचको समय विद्यमान अनुबन्धहरूको संक्रमण अवधि हुनेछ । यो चरणबद्ध दृष्टिकोणले मूल्य र बजारमा पर्ने प्रभावलाई सीमित गर्ने जनाइएको छ । सन् २०२७ को सुरुदेखि एलएनजी आयात र सन् २०२७ को शरद ऋतुदेखि पाइपलाइन ग्यास आयातमा पूर्ण प्रतिबन्ध लागु हुने विज्ञप्तिमा भनिएको छ ।

युनियनमा ग्यास आयातको प्रवेशलाई अधिकृत गर्नु अघि, ईयू देशहरूले ग्यास उत्पादन भएको देशको प्रमाणिकरण गर्नेसमेत विज्ञप्तिमा उल्लेख छ ।

नयाँ नियमहरूको गैर–अनुपालनको परिणामस्वरूप व्यक्तिहरूको लागि कम्तिमा दई करोड ५० लाख कम्पनीहरूको लागि कम्तिमा चार करोड कम्तिमा ३५प्रतिशत कम्पनीको कुल विश्वव्यापी वार्षिक कारोबार, वा अनुमानित लेनदेन कारोबारको ३०० प्रतिशत अधिकतम जरिवाना हुन सक्छ ।

सन् २०२६ मार्चसम्म, “ईयूका देशहरूले ग्यास आपूर्तिलाई विविधीकरण गर्न र रूसी ग्यास प्रतिस्थापनमा सम्भावित चुनौतिहरू पहिचान गर्न राष्ट्रिय योजनाहरू तयार गर्ने जनाइएको छ । जसका लागि कम्पनीहरूले अधिकारीहरू र कुनै पनि बाँकी रूसी ग्यास सम्झौताको आयोगलाई सूचित गर्न आवश्यक हुनेछ । हाल रूसी तेल आयात गर्ने युरोपेली सङ्घका देशहरूले पनि विविधीकरण योजनाहरू पेस गर्नुपर्नेछ ।

यद्यपि घोषित आपतकालिन अवस्थामा, र यदि एक वा एक भन्दा बढी ईयूका देशहरूमा आपूर्तिको सुरक्षा गम्भीर रूपमा खतरामा छ भने, आयोगले चार हप्तासम्म आयात प्रतिबन्ध निलम्बन गर्न सक्छ ।

साइप्रसका ऊर्जा, वाणिज्य र उद्योग मन्त्री माइकल डेमियानोसले यो निर्णयले ईयू ऊर्जा बजारलाई “बलियो, बनाई स्वायत्त ऊर्जा युनियनतर्फ उन्मुख बनाउनु बताउनु भएको छ ।

आयोगले सन् २०२७ को अन्त्यसम्ममा रूसी तेल आयातलाई चरणबद्ध रूपमा समाप्त गर्ने कानून प्रस्ताव गर्ने योजना बनाएको पनि विज्ञप्तिमा उल्लेख छ ।

एक्समा एक पोस्टमा, युरोपेली संसदका अध्यक्ष रोबर्टा मेत्सोलाले भर्खरै रूसी ग्यासमा प्रतिबन्धलाई कानूनमा हस्ताक्षर गरेको जनाउदै युरोपले ऊर्जा आपूर्तिको नियन्त्रण सुरक्षित गरिरहेको र स्वायत्ततालाई बलियो बनाइरहेको उल्लेख गर्नु भएको छ ।

यसै बिच रुसबाट युरोपेली सङ्घमा ग्याँस र तेल आयात दुवै हालैका वर्षहरूमा उल्लेखनीय रूपमा घटेको जनाइएको छ । हालको प्रतिबन्धको शासनको परिणामस्वरूप २०२५ मा तेलको आयात तीन प्रतिशत भन्दा तल झर्दा पनि रूसी ग्यास सन् २०२५ मा आयातको अनुमानित १३ प्रतिशत रहेको छ, जसको मूल्य वार्षिक १५ अरब यूरो भन्दा बढी हुने जनाइएको छ ।

“यसले युरोपेली युनियनलाई यसको व्यापार र ऊर्जा सुरक्षाको सन्दर्भमा उच्च जोखिमको सामना गर्न बाध्य पार्ने विज्ञप्तिमा उल्लेख छ ।