पाकिस्तानका सुरक्षा बल तथा कानून प्रवर्तन निकायहरूले बलोचिस्तान प्रान्तमा आतङ्कवादी गतिविधि असफल पार्दै शनिबार ९२ आतङ्कवादी मारिएको घोषणा गरेका छन् । उक्त अपरेशन प्रान्तभर आतङ्क फैलाउने योजना रोक्न र स्थानीय जनजीवन तथा विकासमा सुरक्षा सुनिश्चित गर्न गरिएको थियो ।

सैनिक प्रवक्ताका अनुसार, आतङ्कवादीहरूले ग्वादर, खारण र अन्य जिल्लामा विभिन्न आक्रमणको योजना बनाएका थिए । यस्ता आक्रमणले स्थानीय जनजीवन सङ्कटमा पार्ने र क्षेत्रीय विकासमा बाधा पु¥याउने खतरा थियो। । सुरक्षा अपरेशनको क्रममा ग्वादर र खारणमा १८ निर्दोष नागरिकको मृत्यु भएको छ भने १५ सैनिक शहीद भएका छन् ।

पाकिस्तान सैन्य प्रवक्ताले भने,“गत दुई दिनमा सम्पन्न सफल अभियानपछि बलोचिस्तानमा जारी अपरेशनमा मारिएका आतङ्कवादीको सङ्ख्या १३३ पुगेको छ । यसमा शुक्रबार मारिएका ४१ आतङ्कवादी पनि समावेश छन् । हाम्रो लक्ष्य आतंकवादीहरूको दुष्ट योजना असफल बनाउनु हो ।”

सैन्य अधिकारीहरूले थप जानकारी दिँदै प्रभावित क्षेत्रमा सुरक्षा र सफाइ अपरेशन निरन्तर जारी राखिने र आतङ्कवादी गतिविधिमा संलग्न सबै अपराधी र सहयोगीहरूलाई न्यायको कठघरामा ल्याइने भनेका छन् ।

इंटेलिजेन्स रिपोर्ट अनुसार, यी आक्रमणहरू पाकिस्तान बाहिरबाट सञ्चालित आतंकवादी समूहका नेताहरूले योजनाबद्ध र निर्देशित गरेका थिए । सैनिक प्रवक्ताले भने, “हामीले आतङ्कवादको दुष्ट योजनालाई सफल हुन नदिई थाम्न सफल भयौं । यस अभियानले बलोचिस्तानको सुरक्षा र विकास सुनिश्चित गर्नेछ ।”

बलोचिस्तान प्रान्त पाकिस्तानको रणनीतिक दृष्टिले महत्वपूर्ण क्षेत्र हो । यहाँ बन्दरगाह शहर ग्वादर, प्राकृतिक स्रोत र आर्थिक परियोजनाहरू रहेका छन् । विगत केही वर्षदेखि यो क्षेत्रमा विभिन्न आतंकवादी समूह सक्रिय रहेका छन् । पाकिस्तानले नियमित रूपमा सुरक्षा अपरेशन सञ्चालन गर्दै आएको छ, जसले आतंकवादी गतिविधिलाई रोक्न र स्थानीय जनजीवन सुरक्षीत बनाउन सहयोग पु¥याएको छ ।

सैन्य अधिकारीहरूले नागरिकलाई अपील गर्दै उनीहरूले सुरक्षा बलसँग सहकार्य गर्नु आवश्यक छ र आतङ्कवादी गतिविधिको सूचना तुरुन्त सम्बन्धित निकायलाई दिनुपर्ने जनाएका छन् ।