काठमाडाैं । राष्ट्रिय सवतन्त्र पार्टी (रास्वपा)का वरिष्ठ नेता बालेन्द्र शाह बालेनको घरमा चोरी गर्ने तीन जना पक्राउ परेका छन्।

पक्राउ पर्नेहरूमा काठमाडौं–१६ बालाजुका ४२ वर्षीय विष्णुबहादुर राजवाहक, सिन्धुपाल्चोकको लिसंखुपाखर–६ का ४६ वर्षीय खिमबहादुर खड्का र डोटीको दिपायल सिलगडी नगरपालिका–६ का ४५ वर्षीय सञ्जय श्रेष्ठ रहेका छन्।

प्रहरीका अनुसार चोरीमा संलग्न मुख्य व्यक्ति जेनजी आन्दोलनका क्रममा भदौ २४ गते नख्खु कारागारबाट फरार भएका थिए। उनीहरूले चप्पल कारखानास्थित सितादेवी गुरुङको घरमा रहेको शाहको डेरामा चोरी गरेका थिए।

बालेनको घरबाट चोरेको वर्ल्डलिंकको एउटा राउटर र दुईवटा सीसीटीभी क्यामेर उनीहरूबाट प्रहरीले बरामद गरेको छ।