काठमाडाैं । आईसीसी टी-२० विश्वकपको समूह ‘सी’ अन्तर्गत जारी खेलमा इंग्ल्यान्डले नेपाललाई १८५ रनकाे लक्ष्य दिएकाे छ।

आइतबार भारतकाे मुम्बईमा रहेकाे वानखडे क्रिकेट रंगशालामा टस जितेर ब्याटिङ राेजेकाे इंग्ल्यान्डले निर्धारित २० ओभरमा ७ विकेट गुमाएर १८४ रनकाेयाेगफल तयार पारेकाे हाे ।

इंग्ल्यान्डका लागि बेथेलले ३५ बलमा ४–४ चौका र छक्काको मद्दतले सर्वाधिक ५५ रनको योगदान गरे । यस्तै ब्रुकले ३२ बलमा ४ चौका ३ छक्कासहित ५३, विल ज्याक्सले अविजित ३९ र जोस बटलरले २६ रन बनाए ।

नेपालका लागि दीपेन्द्रसिंह ऐरी र नन्दन यादवले २–२ तथा सन्दीप लामिछाने र शेर मल्लले १–१ विकेट लिए ।