काठमाडाैं । सामसङले चाँडै बजारमा नयाँ एआई ड्रिभन स्मार्टफोन ल्याउने संकेत गरेको छ । केहीँ टिजरहरूको शृङ्खला सार्वजनिक गर्दै कम्पनीले यसको संकेत गरेको हो ।

यद्यपि, कम्पनीले आधिकारिक विवरणहरू भने अझै खुलाइएको छैन । तर एउटा टिजरले स्मार्टफोनको अनुभवलाई रूपान्तरण गर्न सक्ने राम्रो संकेत गरेको छ । सम्भावित रूपमा डिस्प्ले इन्टेलीजेन्स वा उपकरणमा रहेको एआईसँग सम्बन्धित छ, जबकी अर्कोले सामसङको लोकप्रिय नाइटोग्राफी फिचरतर्फ औंल्याएको छ ।

त्यसो त सामसङको संकेतले अपग्रेड स्मार्ट फोनको लक्ष्यण देखाएको छ । यी संकेतहरूले पहिले नै कुराकानी सुरु गरिसकेका छन्, जसले गर्दा सामसङले अब के अनावरण गर्न सक्छ भन्ने सबैमा चासो बढाएको छ । नेपालभित्र ग्यालेक्सी फ्ल्यागसिपको सफलतामाथि टेकेर, सामसङले दैनिक प्रयोगलाई अझ स्मार्ट र सजिलो बनाउने योजनातर्फ ध्यान दिइरहेको प्रस्ट हुन्छ ।

टीजरमार्फत संकेत गरिएको अनुभव अन–डिभाइस एआई द्वारा सञ्चालित एक इन्टेलीजेन्ट डिस्प्ले लेयरमा केन्द्रित देखिन्छ, जसले कन्टेन्टलाई रियल टाइममा गतिशील रूपमा अनुकूलन गर्छ । यसको प्रयोगकर्ताहरूले दैनिक विभिन्न परिस्थितिहरूमा आफ्नो स्क्रिन कसरी हेर्छन्, कसरी अन्तर्क्रिया गर्छन् र कसरी संलग्न हुन्छन् भन्ने अनुभवलाई अझ प्रभावकारी बनाउँछ ।

टीजरमार्फत संकेत गरिएको सबैभन्दा चासो जगाउने सम्भावनाहरूमध्ये एक भनेको अन–स्क्रिन प्राइभेसीप्रति नयाँ दृष्टिकोण हो । उन्नत डिस्प्ले प्रविधिहरू र अन–डिभाइस इन्टेलिजेन्सको उपयोग गरेर सामसङले आजको अन द गो जीवनशैलीको लागि डिजाइन गरिएको एआई–संचालित प्राइभेसी तह प्रस्तुत गर्ने तयारी गरिरहेको हुन सक्छ ।

प्रतीक्षा थपिँदै जाँदा, सामसङ नेपालको नयाँ टिजरले चाँडै नै नयाँ इन्टेलीजेन्सको तह खुलासा हुनसक्ने संकेत दिएको छ ।