काठमाडाैं । अल–न्यू अपग्रेडेड बजाज डोमिनार ४०० को सार्वजनिक भएको छ । एक विशेष समारोहकाबीच शुक्रबार बजाज नेपालले उक्त अपग्रेडेड डोमिनार सार्वजनिक गरेको हो ।

कार्यक्रममा राइडरहरू, इन्फ्लुएन्सरहरू, सञ्चारकर्मीहरू तथा विशिष्ट अतिथिहरूको उत्साहजनक उपस्थिति रहेको कम्पनीले जनाएको छ । डोमिनार ४०० सार्वजनिक गर्दै कम्पनीले नयाँ तथा उन्नत फिचरहरू समावेश भएको बताएको छ।

कार्यक्रमको मुख्य आकर्षणका रूपमा मनाङ एक्सप्लोरर राइड प्रिमियर गरिएको थियो, जसले डोमिनार ४०० को लामो दूरीको क्षमता तथा कठिन भूगोलमा उत्कृष्ट प्रदर्शन क्षमतालाई प्रस्तुत गरेको कम्पनीले जनाएको छ।

अल–न्यू अपग्रेडेड बजाज डोमिनार ४०० मा डट म्याट्रिक्स डिस्प्लेसहितको डिजिटल कन्ट्रोल कन्सोल, ब्लुटुथ कनेक्टिभिटी र टर्न–बाइ–टर्न नेभिगेसन, राइड–बाइ–वायरसहित चार राइड मोड, ट्र्याक्सन कन्ट्रोल, एड्जस्टेबल लेभरहरू तथा हजार्ड लाइट प्रणाली जस्ता आधुनिक प्रविधिहरू समावेश गरिएको छ, जसले सुरक्षा र राइडिङ अनुभवलाई थप उत्कृष्ट बनाएको कम्पनीले जनाएको छ।

‘उत्साहजनक सहभागिता र सकारात्मक प्रतिक्रियासहित लन्च कार्यक्रम सफलतापूर्वक सम्पन्न भएको छ, जसले आधुनिक प्रविधिसहित प्रदर्शन–केन्द्रित बाइक प्रदान गर्ने बजाजको प्रतिबद्धतालाई थप मजबुत बनाएको छ’ कम्पनीले बताएको छ ।

कम्पनीका अनुसार आज ४ फागुनदेखि ८ सम्म डोमिनार ४०० को टेस्ट राइडका लागि खुला गरिएकाे छ ।