काठमाडाैं । मेडिकल व्यवसायी दुर्गा प्रसाईंलाई ४ दिन हिरासतमा राख्न प्रशासनले अनुमति दिएको छ ।

काठमाडौँका प्रमुख जिल्ला अधिकारी ईश्वर राज पौडेलले उनलाई ४ दिन हिरासतमा राखेर अनुसन्धान गर्न प्रहरीलाई अनुमति दिएका हुन् ।

राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक प्रसाईं सोमबार साँझ भक्तपुरबाट पक्राउ परेका थिए । उनीमाथि अफवाह फैलाएर सार्वजनिक शान्तिविरुद्धको कसुर गरेको आरोप छ ।

प्रसाईं यसअघि पनि पटक पटक पक्राउ परेका थिए । पछिल्लाेपटक माघ २३ मा चाल्नाखेलबाट पक्राउ परेका उनी हाजिर जमानीमा छुटेका थिए ।