काठमाडौँ, १६ फागुनः राष्ट्रिय स्वतन्त्र पार्टी आज काठमाडौँ उपत्यका केन्द्रित चुनावी अभियान तथा प्रचारप्रसारमा व्यस्त भएको छ ।

यसै क्रममा उक्त पार्टीले आज यहाँ काठमाडौँ उपत्यकामा भेटघाट, र्यालीलगायत कार्यक्रम सञ्चालन गरेको छ ।

र्यालीमा सो पार्टीका सभापति रवि लामिछाने र वरिष्ठ नेता बालेन्द्र शाहसहितका नेता सहभागी छन् । र्याली काठमाडौँ, भक्तपुर र ललितपुरका विभिन्न स्थानमा भएको थियो ।

बिहान ६ः०० बजे पाशुपत क्षेत्रबाट सुरु भएको कार्यक्रम साँझ ६ः०० बजे वनस्थलीस्थित पार्टी केन्द्रीय कार्यालयमा पुगेर समापन हुने सो पार्टीले जनाएको छ ।