काठमाडौं । प्रतिनिधिसभा निर्वाचनका लागि खटिएका कर्मचारी र सुरक्षाकर्मी सवार गाडी रामेछापमा भीरबाट खसेको छ।

जिल्ला प्रहरी कार्यालय रामेछापका अनुसार रामेछाप नगरपालिका–२ सिरुबारीबाट करिब १०० मिटर तल ना ७ ख ६७६८ नम्बरको गाडी खसेको हो।

गाडीमा निर्वाचनमा खटिएका कर्मचारी, मतदान अधिकृत, सुरक्षाकर्मी सहित निर्वाचन सामग्री रहेको जनाइएको छ।

दुर्घटनामा गाडीमा कति जना सवार थिए भन्ने यकिन हुन सकेको छैन। घटनास्थलमा उद्धार गर्न प्रहरी परिचालन गरिएको छ।