अमेरिकी राष्ट्रपति डोनाल्ड ट्रम्पले इरानलाई सम्झौता गर्न वा हर्मुज जलमार्ग खोल्न दिएको ४८ घण्टाको अन्तिम चेतावनीलाई इरानले अस्विकार गरेको छ ।

इरानको केन्द्रीय सैन्य कमाण्ड अन्तर्गत खातम अल(अम्बिया केन्द्रीय मुख्यालयको एक विज्ञप्तिमा जनरल अली अब्दुल्लाही अलिआबादीले अमेरिकी राष्ट्रपतिको धम्कीलाई ‘असहाय, डराएको, असन्तुलित र मूर्खतापूर्ण कार्य’ भनेका छन् ।

उनले भने, ‘ यदि अमेरिकी-जियोनिस्ट शत्रुले कुनै पनि प्रकारको आक्रामकता देखाएमा, हामी बिना कुनै सीमा अमेरिकी आतंकवादी सेनाले प्रयोग गर्ने सबै पूर्वाधारहरू र जियोनिस्ट शासनका पूर्वाधारहरूलाई निरन्तर र विनाशकारी आक्रमणको निशाना बनाउनेछौं।’

यसअघी हिँजो आफ्नो सामाजिक सञ्जाल प्लेटफर्म ट्रुथ सोसलमा लेख्दै ट्रम्पले भनेका छन्,- ‘मैले इरानलाई सम्झौता गर्न वा हर्मुज जलमार्ग खोल्न १० दिनको समय दिएको सम्झनुहोस्। अब समय घर्कँदै छ-४८ घण्टाभित्र यो गरिएन भने उनीहरूमाथि महाविनाश आउनेछ ।’

ट्रम्पले दिए इरानलाई हर्मुज जलमार्ग खोल्न ४८ घण्टाको अन्तिम अल्टिमेटम