काठमाडौँ । वालेन्द्र साह’बालेन’ नेतृत्वको सरकार गठनको दुई सातामै दुई विषयमा रास्वपा सभापति रवि लामिछाने र प्रधानमन्त्री बालेन साहबीच टकराव देखिएको छ ।

गृहमन्त्री नियुक्ती र उपसभामुख नियुक्तीमा दुई नेताबीचको टकराव सतहमा देखिएको हो । तर दुबै पटकको टकरावमा प्रधानमन्त्री साहको पल्लाभारी माथि परेको छ भने अध्यक्ष लामिछाने तल परेका छन् । यसले रासवपा र सरकार दुबैभित्र बालेनले प्रभाव बढाउँदै गएको देखिएको छ ।

यसअघि सरकार गठन बेला सभापति लामिछानेले डिपी अर्याललाई गृहमन्त्री बनाउन चाहेका थिए। तर प्रधानमन्त्री बालेन शाहको जोडबलमा अन्तिम समयमा सुदन गुरूङ गृहमन्त्री बने। आज लामिछानेले उपसभामुख राप्रपालाई दिने तयारीमा थिए । तर अन्तिम समयमा बालेनको जोडबलका कारण श्रम संस्कृति पार्टीलाई उपसभामुख दिए ।

उम्मेदवारी दर्ताका लागि आधा घन्टाको मात्र समय बाँकी रहँदा श्रम संस्कृति पार्टीका सांसदहरूलाई फोन गरेर रवि लामिछानेले ‘हामीले राप्रपाका उम्मेदवारलाई समर्थन गर्ने भयौ ‘ भनेका थिए । त्यस्तै राप्रपाका संसदीय दलका नेता ज्ञानेन्द्र शाहीलाई फोन गरेर रविले राप्रपालाई उपसभामुखमा समर्थन गर्ने जानकारी गराएका थिए । लामिछानेको फोन लगत्तै राप्रपाकी सांसद सरस्वती लामाले बिहीबार उपसभामुखमा उम्मेदवारी दिएकी थिइन्।

तर अर्कोतर्फ प्रधानमन्त्री बालेनको सचिवालयबाट श्रम संस्कृति पार्टीका सांसदलाई फोन गरेर उम्मेदवारी दर्ताका लागि जान भनियो । रास्वपाका अध्यक्षले फोन गरेर समर्थन गर्न सकेनौं भन्ने प्रधानमन्त्रीले समर्थन गर्ने भयौँ भन्ने दुईथरी कुराले श्रम संस्कति पार्टीका सांसदहरु दोधारमा परेका थिए ।

अन्तिममा अध्यक्ष लामिछानको केही लागेन प्रधानमन्त्री बालेननै प्रभावी बने र श्रमसंस्कृतिकी रूबीकुमारी ठाकुरलाई रास्वपाले समर्थन गर्यो । रास्वपाको समर्थनसँगै ठाकुर उपसभामुख बन्ने निश्चित देखिएको छ ।