नेकपाका संयोजक पुष्पकमल दाहाल ‘प्रचण्ड’ ले एमाले अध्यक्ष केपी शर्मा ओलीलाई भेटेका छन् । पत्थरीको अपरेशनपछि टिचिङमा उपचाररत् ओलीलाई भेट्न बिहीबार साँझ सवा ५ बजेतिर प्रचण्ड पुगेका थिए ।

नेकपा नेताहरुका अनुसार दुई नेताबीच करिब ४० मिनेट कुराकानी भएको भएको थियो। एमाले–नेकपा एकीकरणको चर्चा भइरहँदा शीर्ष नेतृत्वबीच भेटवार्ता भएको विषयलाई अर्थपूर्ण मानिएको छ।

हिजो अस्पतालले अध्यक्ष ओलीलाई आइसीयुबाट सामान्य वार्डमा सारेको थियो । त्यसपछि स्वास्थ्यलाभको  कामना गर्न पुगेका प्रचण्ड र ओलीबीच राजनितिक विषयमा समेत गहन छलफल भएको नेताहरुले निकटलाई बताएका छन् ।