काठमाडाैं । अनर नेपालले नेपाली स्मार्टफोन बजारमा नयाँ उत्साह थप्दै HONOR 600 Lite सार्वजनिक गरेको छ। आधुनिक प्रयोगकर्ताको आवश्यकता ध्यानमा राखेर डिजाइन गरिएको यस स्मार्टफोनले आकर्षक डिजाइन, शक्तिशाली प्रदर्शन र स्मार्ट फिचरहरूको संयोजन प्रस्तुत गर्दछ।

प्रिमियम मेटल-शील्ड बडीसहित तयार गरिएको HONOR 600 Lite मजबुत र स्टाइलिश देखिन्छ। यसमा ६.६ इन्चको AMOLED डिस्प्ले दिइएको छ, जसमा 120Hz रिफ्रेस रेट रहेकोले गेमिङ, भिडियो स्ट्रिमिङ र दैनिक प्रयोगमा स्मूथ तथा जीवन्त अनुभव प्रदान गर्छ।

प्रदर्शनका लागि फोनमा MediaTek Dimensity 7100 Elite प्रोसेसर प्रयोग गरिएको छ, जसलाई 12GB RAM र 256GB स्टोरेजसँग संयोजन गरिएको छ। यसले तीव्र गति, सहज मल्टिटास्किङ र पर्याप्त स्टोरेज सुनिश्चित गर्छ।

फोटोग्राफीका दृष्टिले पनि यो फोन आकर्षक छ। HONOR 600 Lite मा 108MP हाई-रेजोल्युसन क्यामेरा समावेश गरिएको छ, जसले स्पष्ट र डिटेलयुक्त तस्वीर खिच्न सहयोग गर्छ। साथै, नयाँ AI Camera Button मार्फत प्रयोगकर्ताले स्मार्ट फोटोग्राफी फिचरहरूमा छिटो पहुँच पाउँछन्। AI प्रविधिको प्रयोगले फोटो खिच्ने अनुभवलाई अझ सजिलो र उन्नत बनाएको छ।

यसमा 6520mAh क्षमताको शक्तिशाली ब्याट्री राखिएको छ, जसले लामो समयसम्म निरन्तर प्रयोगको सुविधा दिन्छ। दैनिक काम, मनोरञ्जन वा यात्रामा समेत यो फोन भरपर्दो साथी बन्ने कम्पनीको दाबी छ।

लन्चसँगै कम्पनीले आकर्षक प्रि-बुकिङ अफर पनि ल्याएको छ। HONOR 600 Lite प्रि-बुक गर्ने ग्राहकहरूले रु. १५,९९९ बराबरको HONOR Choice Watch 2 Pro स्मार्टवाच निःशुल्क पाउनेछन्। नेपालमा यस स्मार्टफोनको मूल्य रु. ५९,९९९ तोकिएको छ र यो देशभरका आधिकारिक HONOR रिटेल स्टोरहरूमा उपलब्ध हुनेछ।