काठमाडौँ । साहित्यकार तारानाथ शर्माको निधन भएको छ । ८७ वर्षको उमेरमा आज उनको निधन भएको हो ।

डिमेन्सिया (बिर्सने रोग), उच्च रक्त चाप र मधुमेहबाट ग्रसित भएका शर्माको मंगलबार बिहान घरमै निधन भएको उनको परिवारले जनाएको छ ।

नेपाली साहित्यमा झर्रोवादी आन्दोलनका अभियन्ता शर्माका बेलायततिर बरालिँदा, घनघस्याको उकालो काट्दालगायत दर्जनौँ कृति चर्चित छन् ।

२०२६ सालको मदन पुरस्कार विजेता शर्माको मंगलबार नै पशुपति आर्यघाटमा अन्त्येष्टि गरिने भएको छ । उनको निधनप्रति मदन पुरस्कार गुठीले पनि श्रद्धाञ्जली अर्पण गरेको छ ।