काठमाडौं । भूमि व्यवस्था, सहकारी तथा गरिबी निवारण मन्त्री शशी श्रेष्ठ सुुदुुरपश्चिम प्रदेशको कैलाली र कञ्चनपुरमा रहेका मुक्त हलिया र वादी समुुदायको बस्तीमा पुगेकी छन् ।

उक्त समुदायको बस्तुस्थिति बुझ्न भन्दै मन्त्री श्रेष्ठ बुधबार त्यस क्षेत्रमा पुगेकी हुन् । मुक्त हलिया र वादी समुुदायको बस्ती पुगेर फर्किएपछि उनी भूमि शासन तथा नीति निर्माण प्रक्रियामा स्थानीय सरकारको भूमिका विषयक, भूूमि संवाद कार्यक्रममा सहभागी भएको उनको सचिवालयले जनाएको छ ।

सो कार्यक्रममा बोल्दै मन्त्री श्रेष्ठले भूूमि सम्बन्धी समस्या संविधानमा भएको व्यवस्था कार्यान्वयनमा प्रतिबद्धता जनाएकी छन् ।

लामो समयदेखि व्यवस्थापन हुन नसकिरहेको मुक्तकमैया, कम्लरी, हलिया, हरुवाचरुवाहरुको समस्या समाधानका उपायसहित अध्ययन समितिले प्रतिवेदन तयार परिरहेको र सोही प्रतिवेदनका आधारमा तीनै तहको समन्वयमा काम अघि बढाइने मन्त्री श्रेष्ठको भनाइ थियो ।