काठमाडौं । प्रधानमन्त्री शेरबहादुर देउवा र  प्रतिपक्षी नेकपा (एमाले)का अध्यक्ष  केपी शर्मा ओलीबीचको बैठक साँझ ७ बजे बस्नेगरी नेताहरु बैठक स्थलबाट बाहिरिएका छन् ।

बिहीबार दिउँसो संसद भवन नयाँ बानेश्वरमा भएको छलफलपछि साँझ ७ बजे फेरि छलफल गर्ने सहमति भएको कांग्रेस महामन्त्री गगन थापाले बताए । ‘उनले भने,‘ अब गठबन्धनबाट पार लाग्दैन। एमसिसीका विषयमा गठबन्धनसँग छलफल गर्न आवश्यक नै छैन। यो गठबन्धन अघि जाँदैन। धरापमा पुगेको छ ।’

गठबन्धन संकटमा परेसँगै प्रतिपक्ष दल एमालेसँगको सहकार्यमा संसद् अघि बढाउने बताए । यसका लागि कांग्रेसले संसद् खुलाउन पहल गरिरहेको छ । उसले एमालेले राखेको मागहरूको विषयमा कांग्रेसले एमालेसँग संवाद अघि बढाउने भएको छ ।  छलफलमा कांग्रेसबाट देउवासहित सञ्चारमन्त्री ज्ञानेन्द्र बहादुर कार्की र महामन्त्री गगन थापा सहभागी छन् । भने एमालेबाट वरिष्ठ उपाध्यक्ष ईश्वर पोखरेल र उपाध्यक्ष विष्णु पौडेल सहभागी रहेका थिए ।