काठमाडौं । एमसीसी विरुद्धको आन्दोलनका क्रममा काठमाडौंको बुद्धनगरको झडपमा परी एक जना गम्भिर घाइते भएका थिए । डडेलधुरा घर भएका गम्भिर घाइते २८ वर्षीय हेमराज अवस्थी अहिले उपचारका क्रममा छन् ।

उनी खतरामुक्त रहेको जनाईएको छ । टाउकोमा चोट लागेर उनको रगत जमेका कारण अप्रेसनको तयारी भईरहेको छ । यद्यपी स्वास्थ्य खतरामुक्त रहेको चिकित्सकहरुलाई उदधृत गदै प्रहरीले जनाएको छ ।

उनलाई घाइते भएपछि शुरुमा नजिकै रहेको एभरेष्ट अस्पतालमा लगिएको थियो । तर त्यहाँ उनको उपचार हुन नसकेपछि ट्रमा सेन्ट्ररमा लगिएको थियो ।

त्यसपछि अहिले उनलाई अप्रेसनका लागि फेरि न्यूरो अस्पतालमा ल्याईएको छ ।

घाइते हेमराज अवस्थी डडेल्धुराका माओवादी केन्द्रका कार्यकर्ता रहेको जनाइएको छ । टीकाथलीमा बस्दै आएका उनी डडेलधुरा नवदुर्गा ५ का स्थायी वासिन्दा हुन् । अवस्थीका बुवा वडा सचिव रहेको जनाइएको छ । 

बानेश्वर वुद्दनगरस्थित प्रर्दशनमा प्रहरीले प्रहार गरेको अश्रुग्याँसका क्रममा भएको झडपमा परी उनी घाइते भएका थिए ।