काठमाडौं । कांग्रेससँगको सम्वाद सकारात्मक भएको निश्कर्षका साथ एमाले नेताहरु अध्यक्ष केपी ओलीको निवास बालकोटमा आन्तरिक छलफलमा जुटेका छन् । प्रधानमन्त्री सहित कांग्रेसका नेताहरु शेरवहादुर देउवा गगन थापा, ज्ञानेन्द्रवहादुर कार्की र पूर्णवहादुर खडकासँगको सम्वादपछि एमाले नेताहरु ओली निवास बालकोटमा जम्मा भएका हुन् ।

काग्रेस पनि एमालेसँगको छलफल पछि बालुवाटारमा आन्तरिक छलफलमा बसेको छ ।

उता ओली निवास बालकोटमा एमाले नेताहरु जमघट भएको छ ।

आजको दुई चरणमा भएको छलफलपछिको निश्कर्षका विषयमा आन्तकिर छलफल गरेर भोलि विहान पूनः वार्ता गरेर थप रणनीति बनाउने गरी उनीहरु उठेका छन् ।

संसदको अवरोध खुलाउनका लागि एमालेले राखेका अडानमा कांग्रेस लचक भएको छ । त्यस्तै गठबन्धन तोडन पनि काग्रेस तयार भएको छ ।

त्यसपछि उनीहरु अव सभामुखलाई के गर्ने भन्नेमा आन्तरिक छलफलमा बसेका हुन् ।