काठमाडौँ । बिहीबार बस्ने भनिएको प्रतिनिधिसभा बैठक स्थगित भएसँगै आज बस्ने भएको छ । अमेरिकी सहयोग परियोजना मिलिनियम च्यालेञ्ज कर्पोरेशन (एमसीसी)बारे छलफलका लागि आज बैठक बोलाइएको हो ।

एमसीसी सम्झौताबारे छलफल सहमति नहुने भएपछि प्रधानमन्त्रीले बिहीबारको बैठक स्थगित गर्न सभामुखलाई आग्रह गरिएको थियो । बैठक आज दिउँसो १ बजे बस्ने छ ।

बिहीबार बैठकको कार्यसूची तय गर्न कार्य व्यवस्था परामशर्म समितिको बैठकसमेत बसेको थियो । तर, अन्तिम समयमा बैठक आजलाई सारिएको हो ।

एमसीसीबारे संसदमा प्रतिनिधित्व गर्ने दलहरूबीच अझै सहमति हुन सकेको छैन । सत्तामा रहेको माओवादी केन्द्र र नेकपा एकीकृत समाजवादी एमसीसीविरुद्ध छन् ।