स्याङ्जा । स्याङ्जाको फेदीखोला–१ भालुपहाडमा मोटरसाइकल दुर्घटना हुँदा वाईसीएल केन्द्रीय सदस्य सुवास पौडेलको मृत्यु भएको छ ।

ग ११ प १४५० नम्बरको मोटरसाइकलमा स्याङ्जाबाट पोखरा जाने क्रममा मोटरसाइकल दुर्घटनामा परी ३४ वर्षीय पौडेलको मृत्यु भएको हो ।

शुक्रबार साँझ वाईसीएल स्याङ्जाको बैठक उनी मोटरसाइकलमा एक्लै पोखरा जाँदै थिए ।

सडकबाट मोटरसाइकल चिप्लिएर झन्डै २ सय मिटर तल भेटिएको प्रहरीले जनाएको छ । पौडेलको शव भने मोटरसाइकल भन्दा ५० मिटर माथि भीरमा अल्झिएको अवस्थामा भेटिएको जिल्ला प्रहरी कार्यालय स्याङ्जाका सुचना अधिकारी राजेन्द्रप्रसाद अधिकारी जानकारी दिए ।

नेकपा माओवादी केन्द्रका स्याङ्जा फेदीखोला गाउँपालिका सचिव समेत रहेका पौडेल वाईसीएल स्वास्थ्य विभाग प्रमुखसमेत थिए । वाईसीएल इन्चार्ज तथा माओवादी केन्द्रीय सदस्य रामप्रसाद सापकोटा ‘दिपशिखा’ले पौडेलको निधनले स्तब्ध भएको बताएका छन् ।