काठमाडौं । नेपाल मजदुर किसान पार्टीका सांसद प्रेम सुवालले एमसीसी सैन्य रणनीति नै भएको बताएका छन् ।
आइतबार प्रतिनिधिसभा बैठकमा एमसीसी प्रस्तावमाथिको छलफलमा भाग लिँदै सुवालले एमसीसी कुनै पनि हालतमा स्वीकार्य नहुने बताए ।
‘प्रधानमन्त्रीज्यूले सित्तैमा आएको भनिरहनु भएको छ’, सुवालले प्रश्न गरे, ‘सित्तैमा पाएको विष पिए के हुन्छ, मृत्यु हुन्छ । देश रहँदैन ।’
एमसीसीमा भारतको सहयोग हुुनुपर्ने उल्लेख गरिएको भन्दै सांसद सुवालले यसले भारतको उपनिवेश बनाउने षड्यन्त्र गरिएको दाबी गरे ।