काठमाडौं । कलाकार दीपकराज गिरीले मान्छेहरु जता भिड बढी छ त्यतै गरेको टिप्पणी गरेका छन ।
“६० प्रतिशत मान्छे जता भिड छ उतै लाग्छन् र ताली खान्छन् । ३० प्रतिशत मान्छे आफूलाई परेमात्रै बोल्छन् । १० प्रतिशत मान्छे मात्रै अन्यायविरुद्ध बोल्ने साहस राख्छन्,” उनी समाजिक सञ्जाल फेसबुकमा लेख्छन् ।
एक नाबालिका गायिकाले गत बुधबार दमौलीस्थित जिल्ला प्रहरी कार्यालयमा पल शाहबिरुद्ध जर्रबजस्ती करणीको उजुरी दिईएकी थिईन ।
आइतबार जिल्ला प्रहरी कार्यालय तनहुँ पुगेर आत्मसमर्पण गरेका थिए । ७ दिन हिरासतमा राखेर अनुसन्धान गर्न जिल्ला अदालतले अनुमति दिएको थियो ।
मुलुकी अपराध संहिताको दफा २१९ अनुसार १८ वर्षभन्दा कम उमेरकी बालिकासँग सहमतिमै यौन सम्बन्ध राखे पनि त्यसलाई जबरजस्ती करणी मानिन्छ । १६ वर्षदेखि १८ वर्ष उमेरकी बालिकासँग यौन सम्बन्ध राखेमा १० देखि १२ वर्षसम्म जेल सजाय हुन सक्ने मुलुकी अपराध संहितामा उल्लेख छ ।