काठमाडौँ । सत्तारुढ दल नेकपा माओवादी केन्द्रको केन्द्रीय समिति बैठक बस्ने भएको छ । गत शुक्रबारदेखि काठमाडौँमा सुरु भएको बैठक आज पनि बस्ने भएको हो ।

आइतबार बस्ने भनिए पनि अन्तिम समयमा बैठक स्थगित भएपछि आज बस्ने भएको हो । बैठक बिहान ११ बजे बस्ने माओवादी केन्द्रीय कार्यालयले जनाएको छ ।

बैठकमा केन्द्रीय कमितिलाई पूर्णता, पोलिटब्युरो, स्थायी कमिटी गठनलगायतका एजेण्डामाथि छलफल गरी टुंग्याउने भएको छ । माओवादीले पदाधिकारीसँगै स्थायी कमिटी चयनको तयारी थालेको छ ।

गत शुक्रबारको बैठकमा एमसीसीलगायतका विषयमा छलफल भएको थियो ।जसमा पार्टी अध्यक्ष पुष्पकमल दाहाल ‘प्रचण्ड’ र नेता नारायणकाजी श्रेष्ठले सम्बोधन गरेका थिए । यस क्रममा एमसीसी पास गराउन पार्टीले गरेको सहयोगबारे श्रेष्ठले आलोचना गरेका थिए ।