काठमाडौं । फुजिमा आयल कम्पनीले देशैभरका महिलाहरुमा हुने स्तन क्यान्सरको निःशुल्क परीक्षण गराउने भएको छ ।

अन्तर्राष्ट्रिय नारी दिवसको अवसरमा कम्पनीले स्तन क्यान्सरको निःशुल्क परीक्षण गराउने घोषणा गरेको हो ।

स्तन क्यान्सरको निःशुल्क परीक्षणका लागि आफ्नो उत्पादन कन्ट्रोल लुब्रिकेन्ट्समा प्रति लिटर एक रुपैयाँ छुट्याएको जनाएको छ ।

कम्पनि मंगलबार विराटनगरको विराट अस्पतालमा ५० जना महिलाको निःशुल्क स्तन क्यान्सर परीक्षण गराएर अभियानको शुरुवात गरेको थियो ।
ग्लोवल क्यान्सर अब्जरभेटरी सन् २०२० को तथ्यांक अनुसार नेपालमा ९.६० प्रतिशत महिलामा क्यान्सर रोग पाइएको छ ।

जनगणना २०७८ अनुसार कुल जनसंख्याको ५१.५ प्रतिशत महिलाको संख्या रहेको छ । जुन १ करोड ३६ लाख ४४ हजार ६ सय ६९ हुन आउछ । त्यसमध्य ९.६० प्रतिशत महिलामा स्तन क्यान्सर रहेको अध्ययनले देखाएको छ ।