मकवानपुर । जिल्लाको मनहरी गाउँपालिका ६ भुलचोकस्थित सडकमा बा ४ ख ४४५४ नम्बरको बस शुक्रबार बिहान दुर्घटना हुँदा दुई जनाको घटना स्थलमै मृत्यु भएको छ।

मृत्यु हुनेमा बसका सहचालक नुवाकोट तार्केश्वर गाउँपालिका ४ बस्ने २२ वर्षीय सुभाष श्रेष्ठ र सोही ठाउँ बस्ने २९ वर्षीय शम्भु दराई रहेका छन्। दुर्घटनामा घाइते भएका अन्य ९ जनालाई उपचारका लागि चितवन भरतपुरतर्फ पठाइएको छ।

बस चालकलाई प्रहरीले नियन्त्रणमा लिएको छ। दुर्घटनाका सम्बन्धमा आवश्यक अनुसन्धान गरिरहेको प्रहरीले जनाएको छ।