काठमाडौं । नेकपा माओवादी केन्द्रबाट कर्णाली प्रदेश सभामा सांसद एवं प्रमुख सचेतक रहेका ठम्मरबहादुर विष्ट आज (आइतबार) नेकपा एमालेमा प्रवेश गर्दै छन्।

आज वीरेन्द्रनगरको सिटी हलमामा बिहान ११ बजे उनलाई एमालेका वरिष्ठ उपाध्यक्ष ईश्वर पोखरेलले पार्टीमा स्वागत गदैछन् ।
गत शुक्रबार नै काठमाडौंमा पत्रकार सम्मेलन गरी नेकपा माओवादी केन्द्र त्यागेको घोषणा गरेका थिए । उनले पार्टीको सिद्धान्त र मूल्य–मान्यताविपरीत संसदबाट अमेरिकी अनुदान सहायता सम्झौता एमसीसी पारितमा माओवादी संलग्न भएको भन्दै यसमा बसिरहन औचित्य नभएको बताएका थिए ।
उनले पार्टीको जिम्मेवारीसहित प्रदेश सांसद र प्रमुख सचेतकको पदबाट पनि राजीनामा दिइसकेका छन्।