काठमाडौं । नेपाल राष्ट्र बैंकका निलम्बित गभर्नर महाप्रसाद अधिकारीले सर्वोच्च अदालतमा दिएको रिट निवेदनमा सुनुवाइ गर्न आजका लागि पेसी तोकिएको छ।

अधिकारीले आफूलाई सरकारले गभर्नर पदबाट निलम्बन गरेपछि गत आइतबार पेस गरेको रिट निवेदन पेस गरेका थिए ।सर्वोच्चले सोमबार मात्र दर्ता गरेको थियो ।
अहिले साढे १० बजे गोलाप्रथाबाट इजलास तोकिने सर्वोच्च अदालतका प्रवक्ता विमल पौडेलले बताए ।

अधिकारीले निलम्बन फुकुवा गरी आफूलाई गभर्नर पदमा पुनर्बहाली गर्न अन्तरिम आदेश माग गरेका गरेका छन्।
अधिकारीले प्रधानमन्त्री तथा मन्त्रिपरिषद्को कार्यालयका साथै अर्थ मन्त्रालय, अर्थमन्त्री र सरकारले गठन गरेको छानबिन समितिलाई विपक्षी बनाएका छन्।