काठमाडौँमा बलात्कारको आरोपमा एक म्यादी प्रहरीलाई पक्राउ गरिएको छ ।

कागेश्वरी मनोहरा नगरपालिका ८ स्थित अस्थायी प्रहरी पोष्ट कृष्ण मन्दिर काँडाघारीमा कार्यरत १८ वर्षीय हिमाल विष्ट बलात्कार आरोपमा पक्राउ परेका हुन् ।

कैलाली घर भई काठमाडौँ १६ रानीबारीमा भाडामा बस्ने करिब १७ वर्षीय किशोरीलाई बलात्कार गरेको आरोपमा प्रहरीले उनलाई पक्राउ गरेको हो । पीडित किशोरीले महानगरीय प्रहरी वृत्त लैनचौरमा उजुरी दिएकी थिइन् ।