काठमाडौँ । स्थानीय निर्वाचन नजिकिएसँगै सेयर बजार परिसूचक नेप्सेमा उछाल आएको छ । बुधबार नेप्से ५६.०६ अंकले बढेको छ । सोमबारदेखि नेप्से लगातार बढिरहेको छ ।

बुधबार जलविद्युत समूहको सूचक करिब पाँच प्रतिशतले बढेको छ । फाइनान्सको पनि ४ प्रतिशतभन्दा बढीले बढेको छ । यस्तै, सबै प्रकारको वित्तीय संस्थामा उच्च रुपमा नेप्से बढेको हो ।

कूल ५३ लाख ३३ हजार १०९ कित्ता सेयर खरिदबिक्री हुँदा २ अर्ब १६ करोड ३९ लाख ९० हजार ७४३ रुपैयाँको कारोबार भएको छ । चार जलविद्युत कम्पनीको सेयर मूल्य १० प्रतिशतले बढेको छ ।