काठमाडौँ । सरकारले घाटा बेहोरेको सार्वजनिक संस्था निजी कम्पनीलाई दिने भएको छ । सरकारले नीति तथा कार्यक्रम सार्वजनिक गर्दै घाटामा भएका सार्वजनिक संस्थाहरू निजी क्षेत्रलाई दिने उल्लेख गरेको हो ।

राष्ट्रपति विद्यादेवी भण्डारीले वित्तीय रूपमा बोझ झेलिरहेको सार्वजनिक संस्थान खारेज गरी निजी क्षेत्रलाई जिम्मेवारी दिने बताएकी हुन् ।

सरकारले आगामी आर्थिक वर्षदेखि पेट्रोलियम पदार्थको बिक्री वितरण निजी क्षेत्रलाई दिने तयारी गरेको छ । जसका कारण घाटामा रहेको सार्वजनिक संस्था निजी क्षेत्रलाई दिने नीति तथा कार्यक्रम ल्याएको हो ।