काठमाडौँ । एनआईसी एशिया बैंकको सञ्चालक समितिको ५४५ औँ बैठकले सन्तोष कुमार राठीलाई बैंकको नायब प्रमुख कार्यकारी अधिकृतमा नियुक्त गरेको छ ।

बैंकको सहायक प्रमुख कार्यकारी अधिकृतको रुपमा कार्यरत रहेका उनलाई नेपाल राष्ट्र बैंकबाट जारी गरिएको एकीकृत निर्देशन २०७८ को इ.प्रा.निर्देशन नं. ६÷०७८ को बुँदा नं. ७ (१) (छ) मा भएको व्यवस्था बमोजिम उक्त पदमा नियुक्त गर्ने निर्णय गरेको हो ।

०६४ मंसिरदेखि तत्कालीन बैैंक अफ एशिया विराटनगर शाखाको शाखा प्रबन्धकको जिम्मेवारीबाट सेवामा जोडिएका राठी विराटनगरस्थित प्रादेशिक कार्यालयको प्रमुखलगायत विभिन्न जिम्मेवारी लिदै कार्यकारी अधिकृतमा नियुक्त भएका हुन् ।

बैंकिंङ क्षेत्रमा करिब २० वर्ष विभिन्न कार्यअनुभव संगालेका राठीले नियुक्तिले बैंकले आगामी दिनमा थप उचाई हासिल गर्ने विश्वास गरेको छ ।