काठमाडौँ । प्रदेश १ सरकारले नीति तथा कार्यक्रम सार्वजनिक गरेको छ । आगामी आर्थिक वर्षका लागि प्रदेश सरकारले नीति तथा कार्यक्रम सार्वजनिक गरेको हो ।

बुधबार बसेको प्रदेशसभा बैठकमा प्रदेश १ का प्रमुख परशुराम खापुङ्गले सरकारको नीति तथा कार्यक्रम सार्वजनिक गरेका हुन् ।

नीति तथा कार्यक्रममा कृषि क्षेत्रको उत्पादन र उत्पादकत्वमा जोड दिने, प्रदेशलाई कृषि क्षेत्रमा आत्मनिर्भर बनाउने, दिगो कृषि विकासका लागि माटो परीक्षण र माटो सधुार कार्यक्रम अभियानको रुपमा विस्तार गरिने जस्ता योजनाहरू समावेश गरिएको छ ।