काठमाडौँ । प्रहरी अतिरिक्त महानिरीक्षक (एआईजी) विश्वराज पोखरेलको बिदा अस्वीकृत भएपछि हाजिर नहुने अडान लिएका छन् । उनी आफ्नो बिदा स्वीकृत नभएको भन्दै खटाइएको स्थानमा हाजिर नहुने बताएका हुन् ।

एआईजी पोखरेलले कानुनी लडाईं पूरा नुहँदासम्म आफ्नो कार्यालयमा उपस्थित नहुने बताएका हुन् । उनले आफूलाई १० दिन बिदा चाहिने भन्दै आईजीपी धिरजप्रताप सिंहलाई पत्र पठाएका थिए । तर, आईजीपीले भर्खरै बिदा सकिएकाले पुनः बिदा नसक्ने भन्दै अस्वीकृत गरी हाजिर हुने पत्र पठाएका थिए ।

पोखरेलले हिजो मंगलबार मात्रै प्रहरी मुख्यालयमा पत्र पठाएर १० दिन बिदा माग गरेका थिए । यसअघि उनी एक महिने बिदामा बसेका थिए ।

खटाइएको स्थानमा हाजिर नभए एआईजी पोखरेलसँग स्पष्टीकरण सोधी विभागीय कारबाहीसम्म गर्ने अधिकार प्रहरी महानिरीक्षकलाई रहन्छ ।