काठमाडौँ । ग्राहकलाई गुणस्तरीय वित्तीय सेवा दिँदै आएको महालक्ष्मी विकास बैंक र महाराजगञ्जमा अवस्थित काठमाडौं प्याथल्याव एण्ड डायग्नोस्टिक सेन्टरबीच सहकार्य गर्ने सम्झौता पत्रमा हस्ताक्षर भएको छ ।

उक्त सम्झौतापश्चात बैंकको डेबिट कार्ड, क्युआर (स्क्यान पे) महालक्ष्मी मोबाइल बैंकिङमार्फत भुक्तानी गर्ने ग्राहकले विभिन्न सेवामा छुट प्राप्त गर्न सक्ने छन् । यस सहकार्यबाट बैंकका ग्राहक लाभान्वित हुने विश्वास लिएको छ । यसका साथसाथै डिजिटल युगसँग नेपाली जनतालाई साक्षत्कार गराउने अभिप्रायका साथ बैंकले विभिन्न शाखाबाट जनचेतनामूलक कार्यक्रम सञ्चालन गर्दै आएको छ ।

बैंकले हाल १०३ वटा शाखामार्फत वित्तीय सेवा प्रदान गर्दै आइरहेको छ । बैंकले ग्राहकको वैदेशिक यात्राका क्रममा कारोबार थप सुरक्षित, सहज र भरपर्दो होस भन्ने उद्देश्यले विभिन्न सेवा दिँदै आएको छ ।