काठमाडौँ । स्टेट पार्टनरसिप प्रोग्राम (एसपीपी) सम्झौताको विषय सार्वजनिक भएसँगै प्रतिनिधिसभाको अन्तर्राष्ट्रिय सम्बन्ध समितिले प्रधानसेनापति प्रभुराम शर्मालाई बोलाएको छ ।

समितिले शुक्रबार बिहान ९ बजे बस्ने गरी बैठकमा प्रधानसेनापतिलाई बोलाएको हो । बैठकमा एसपीपीबारे छलफल हुने भएको छ ।

एसपीपी कार्यक्रम २०१५ देखि सुरुवात भएको कुरा सार्वजनिक भएको र त्यसबारे आधिकारीक कुरा, सेनाको धारणा र सन् २०१५, २०१७ तथा २०१९ मा एसपीपीबारे घटनाबारे बुझ्न बैठक आह्वान गरिएको हो ।

बैठकमा उपस्थित हुन एसपीपीबारे जानकारी ल्याउन प्रधानसेनापतिलाई पत्राचार गरिएको स्रोतले जनाएको छ । उक्त विषयमा छलफल गर्न रक्षा मन्त्रालयका सचिव किरणराज शर्मालाई पनि बोलाइएको छ ।