काठमाडौँ । अविरल वर्षाका कारण पोखरा उपमहानगर २५ का विभिन्न स्थानका बस्ती डुबानमा परेका छन् ।

यस्तै, पहिरोले गाई तथा पशु फार्म बगाउँदा २५ भन्दा बढी खसी बाख्रा पुरिएको वडाध्यक्ष मोतिलाल तिमिल्सिनाले बताए ।

उनका अनुसार पोखरा २५ हेमजाको सुइँखेत क्षेत्रमा पानी जम्दा बस्ती नै डुबानमा परेको छ । ‘यो बस्तीमा करिब ढेडसयभन्दा बढी घर छन्,’ उनले भने, ‘टोलबासीलाई उद्धार गरिएको छ ।’

यस्तै, सोही क्षेत्रमा गएको पहिरोले १२ वटा घरमा क्षति पुगेको छ । पहिरो र डुबानले मानवीय क्षति भने हुन पाएको छैन ।