काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले काठमाडौं उपत्यकामा पार्टी संगठन कमजोर भएकोमा चिन्ता व्यक्त गरेका छन् ।
बिहीबार जारी केन्द्रीय समिति बैठकमा बोल्दै प्रचण्डले जनयुद्धदेखि जनआन्दोलन र सरकारमा हुँदा काठमाडौं उपत्यकाबासीका लागि राम्रो काम गरेपनि संगठन बन्न नसकेमा नेताहरुसँग सुझाव मागेको एक नेताले जानकारी दिए ।
उनका अनुसार काठमाडौं उपत्यकामा पार्टी बनाउँन नयाँ ढंगले संगठन संरचना बनाउँनुपर्ने देखिएको छ ।
उनलेभने,‘अहिले सम्पर्क समिति र विशेष समिति बनाएका छौँ त्यसलाई मिलाएर नयाँ ढंगले संरचना खडा गर्न पो हो कि भन्ने मेरो प्रस्ताव छ ।’

स्थानीय तह चुनावमा गठबन्धन भएपनि उपत्यकाका काठमाडौ, ललितपुर भक्तपुरमा कमजोर नतिजा आएपछि प्रचण्डले पार्टी संगठनका विषयमा चिन्ता व्यक्त गरेका हुन् । ।