काठमाडौँ । नेकपा माओवादी केन्द्रको पोलिटब्यूरो सदस्यमा ३१ जना वैकल्पिक सदस्यका लागि थप गर्ने भएको छ ।

पहिलोपटक १२५ सदस्यीय सदस्यको नाम पढेका पार्टी अध्यक्ष प्रचण्डले अहिले वैकल्पिकसहित १५६ सदस्य पुर्‍याउने प्रस्ताव गरेका हुन् ।

पछिल्लो लिस्टमा समेत धेरै नाम छुटेको भन्दै हल्ला भएपछि प्रचण्डले ३१ वैकल्पिक सदस्य थप्ने प्रस्ताव राखेका हुन् । ‘केन्द्रीय कमिटीमा वैकल्पिक हुन्छ भने पोलिटब्यूरोमा पनि नहुने भन्ने हुँदैन,’ प्रचण्डले भने, ‘थप्नु पर्नेमध्ये सिनियरलाई फुल र अरुलाई वैकल्पिकमा समे ट्छु ।’

प्रचण्डले पार्टी विभाजनको अवस्थामा भोट हाल्नेबाहेक वैकल्पिकलाई सबै अधिकार हुने बताए ।