काठमाडौँ । जिल्ला प्रहरी कार्यालय मकवानपुरले लागु औषध खैरो हिरोइनसहित ३ जनालाई पक्राउ गरेको छ । जिल्लाको विभिन्न स्थानबाट उनीहरूलाई पक्राउ गरेको प्रहरीले जानकारी दिएको हो ।

पक्राउ पर्नेहरूमध्ये ३४ वर्षीय विकराज विकको साथबाट ४० मिली ग्राम खैरो हेरोइनसहित नियन्त्रणमा लिएको प्रहरीले जनाएको छ ।

यसैगरी, हेटौँडा १० बाट ३७ वर्षीय रञ्जित आले मगरलाई नियन्त्रणमा लिएको छ । उनले लुकाई छिपाई राखेको अवस्थामा खैरो हेरोइन जस्तो देखिने खैरो धुलो पदार्थ ४० मिली ग्राम फेला परेको प्रहरीले जनाएको छ ।

आजै हेटौँडा बसपार्कबाट खटिएको प्रहरी टोलीले हेटौँडा १० बसपार्कबाट ४८ वर्षीय उज्वलकृष्ण मानन्धरलाई नियन्त्रणमा लिएको हो । उनको साथबाट लागु औषध खैरो हेरोइन जस्तो देखिने १०० मिली ग्राम खैरो धुलो पदार्थ फेला पारेको हो ।