काठमाडौं। क्रिप्टोमा लगानी गरेको अभियोगमा प्रहरीले विशाल सिमेन्टका सञ्चालक अमित श्रेष्ठलाई पक्राउ गरेको छ । बुधबार दिउँसो उनको घर पानीपोखरीमा प्रहरीले छापा मारेको थियो ।

काठमाडौंको पानीपोखरीस्थित घरमा क्रिप्टोको कारोबार भएको आशंकामा प्रहरीले छापा मारेको हो। काठमाडौं उपत्यका अपराध अनुसन्धान कार्यालयको टोलीले छापा मारेर श्रेष्ठलाई नियन्त्रणमा लिएको जनाएको छ । सञ्चालक श्रेष्ठमाथि अनुसन्धान सुरु गरिएको प्रहरीले जानकारी दिएको छ ।

‘क्रिप्टोको कारोबार भएको भन्ने सूचना आएको छ । उहाँलाई नियन्त्रणमा लिएर सोधपुछ गरिरहेका छौं।,’कार्यालयका एसपी कृष्ण कोइरालाले भने ।

उनले क्रिप्टो कारोबारमा कति लगानी गरे भन्ने खुल्न सकेको छैन।