काठमाडौं । मोरङ कारागारका कैदीबन्दीमा कोरोना संक्रमण फैलिएको छ । कारागार प्रशासनले अत्याधिक ज्वरो आएपछि बिहीबार १९ जना कैदीबन्दीलाई कोसी अस्पताल भर्ना गरेको थियो । भर्ना गरेका मध्ये एक जनाको बिहीबार नै मृत्यु भएको छ । १८ जना उपचाररत छन् ।
मोरङ प्रहरी प्रमुख एसपी शान्तिराज कोइरालाका अनुसार १ ०५ डिग्रीसम्म ज्वरो आएका ज्यान मुद्दाका कैदी नीरबहादुर नेपालको उपचारका क्रममा मृत्यु भएको हो ।
अस्पताल पुर्‍याइएका मध्ये १६ जनालाई एन्टिजेन पोजेटिभ देखिएको छ । दुई जनाको रिपोर्ट नेगेटिभ आए पनि कोरोनासँग मिल्दो जुल्दो रहेका छन् ।
अत्याधिक गर्मी र साँघुरो स्थानले कारागारमा कैदीबन्दीलाई सकस हुँदै आएको छ