काठमाडौं । पछिल्लो समय सामाजिक सञ्जालमा एउटा भिडियो चर्चामा छ । जुन भिडियोमा धादिङ जिल्ला धुनिवेशी नगरपालिका वडा नं.८ का वडाध्यक्ष रामकृष्ण रेग्मीकाे । उक्त भिडियोमा रेग्मीले ट्राफिक प्रहरीसँग पावरको दम्भ देखाईरहेका देखिन्छन् ।
मदिराले लठ्ठ भएका रेग्मीको मोटरसाईकल चेकिङ्गमा सहजीकरण गर्नुको साटो पावरको दम्भ देखाएर ट्राफिक प्रहरीमाथि नै दुरव्यवहार गरेको भिडियोमा स्पष्ट देखिन्छ । काठमाडौं आउने क्रममा उनलाई ट्राफिक प्रहरीले चेकिङ्ग गर्न खोजेको थियो तर मदिरमा लठ्ठ वडा अध्यक्ष रेग्मीले प्रहरीलाई उल्टै पावरको दम्भ र दुव्र्यवहार गरेका हुन् ।
रेग्मीले आफु धुनिवेशी नगरपालिका ८ को दोस्रो कार्यकालको अध्यक्षमा जनताले चुनाएर पठाएको भन्दै आफ्नो छुट्टै शक्ति भएको दाबी गरेको भिडियो स्पस्ट सुनिन्छ । उनले डियुटीमा खटिएका ट्राफिक प्रहरी असाई शैलेन्द्र चौधरीलाई पड्काउने धम्की दिएका छन् । प्रहरीमाथि दुव्र्यवहार गरेको भन्दै प्रहरीले उनलाई नियन्त्रण गरेर कारबाहीको लागि प्रक्रिया सुरु भएको बताइएको छ ।