सप्तरी । जिल्लाको बोदे बर्साइन नगरपालिकामा सिलिण्डर पड्केपछि भएको आगलागीमा तीन जना घाइते भएका छन् । वडा नम्बर १० खड्गपुरका खगेन्द्र यादवको घरमा सिलिण्डर पड्किएर आगलागी हुँदा आगो निभाउने क्रममा तीन जना घाइते भएका हुन् ।

जिल्ला प्रहरी कार्यालय सप्तरीका अनुसार घटनामा आगो निभाउन गएका कारी दास, महेश यादव र धीरेन्द्र यादव जलेर घाइते भएका छन । प्रहरीका अनुसार यादवको घरमा एकैपटक तीन वटा ग्यास सिलिण्डर पड्किएको थियो ।

आगलागीमा घरमा रहेको नगद एक लाख ५० हजार, तीन तोला सुन, तीन किलो चाँदी, आठ क्विन्टल चामल, २० क्विन्टल धान, एक क्विन्टल चना, ४० किलो तोरी, एक थान साइकललगायत सामान जलेर पूर्ण रुपमा नष्ट भएको घरधनी यादवले जानकारी दिएका छन ।