काठमाडौँ । पर्सा जिल्लाको ठोरी गाउँपालिका २ सुन्दर बस्तीस्थित ढेडु खोलाले बगाएर ल्याएको एक जनाको उद्धार गरिएको छ । सशस्त्र प्रहरीले ती युवकको उद्धार गरेको हो ।

खोलाले मान्छे बगाएर ल्याएको सूचना पाएसँगै सशस्त्र प्रहरी बल नेपाल बीओपी ठोरीबाट उद्धार कार्यका लागि टोलीले खटिएको थियो ।

सशस्त्र प्रहरीले उद्धार गरेको अन्दाजी ३५ वर्षीय युवकको मानसिक सन्तुलन ठिक नभएको बताइएको छ । उनलाई उद्धारपश्चात स्वास्थ्य चौकी ठोरीमा बुझाएको छ ।